خاص: عصام نصار لاعب المنصورة اتمني صعود النادي الاهلي و نادي الزمالك لنهائي إفريقيا
في حوار خاص بموقع “195 سبورتس” عصام نصار لاعب المنصورة يتحدث عن بدايته مع كرة القدم، حيث بدأ اللاعب مشواره الإحترافي في ناشئ غزل المحلة ثم تم تصعيده للفريق الأول وهو في سن ال19 من عمره، ليستمر لمدة ثلاث سنوات مع الفريق وبعدها يغادر نادي الغزل، ثم إنتقل لنادي المنصورة في يناير 2018 وهو فريقه الحالي.
-طموحك ايه الفترة الجاية مع فريقك ونفسك تلعب ممتاز مع فريقك الحالي ولا في فرق الدوري الممتاز.
طموحي مع الفريق بأذن الله نصعد السنادي للدوري الممتاز، طبعا نفسي العب مع فريقي في الدوري الممتاز.
-هل لو صعدت ممتاز وجالك عرض من فريق تاني هتوافق ولا هتفضل فريقك.
والله اهم شيء عندي دلوقتى ان شاء الله نصعد للدورى الممتاز وبعد كده اللي ربنا كاتبه.
-ايه رايك في الدوري هذا الموسم.
الحمد لله الامور تسير بشكل كويس واللجنه الخماسيه بيبذلو مجهود كبير في استكمال الدورى وطبعا مع وزير الشباب والرياضه، وان شاءالله يكمل على خير ويحفظ اللعيبه كلها.
-مين من المدربين السنادي في الممتاز قدر يلفت نظرك.
معظمهم مدربين كبار وذو خبرات كبيره في الدورى، خاصًة مدرب النادي الاهلي فايلر مدرب كويس جدا وعامل فرق نقاط كبيره بينه وبين المنافسين ده الافضل وجهة نظري.
-تتمني مين يبقي في نهائي إفريقيا السنادي.
اتمني صعود النادي الاهلي و نادي الزمالك علشان يبقي نهائي مصري خالص.
-تتمني تجربة احد القطبين ولا تجربة بيراميدز في الممتاز.
يعتبر بيراميدز دلوقتي منافس تالت قوي للقطبين واكيد اي لاعب يتمني انه يلعب في الانديه دي.
-تتمني ايه لفريقك الفترة الجاية.
ان شاء الله ربنا يوفقنا ويكرمنا ونصعد للدورى الممتاز بأذن الله.
يُذكر أن نادي المنصورة هذا العام يتواجد في المربع الذهبي لمجموعة بحري، كمركز رابع خلفًا لالعاب دمنهور المتصدر برصيد 33 نقطة ووصيفه غزل المحلة برصيد 32 نقطة والثالث برصيد فاركو بنفس عدد النقاط بينما يأتي المنصورة كرابع الجدول الذهبي برصيد 30 نقطة.
