قدمت مجموعة من الفنانين الشباب العرب أوبريت غنائي لنادي الزمالك، بمناسبة تتويجه ببطولة الدوري المصري، تحت عنوان “إتجمعوا“.
وجاء الأوبريت بغناء عدد من الفنانين، من خمس دول، وهم على الترتيب: رامى رفعت (مصر)، هاد (السعودية)، أمين فارسى (السعودية)، آمنة الكعبى (تونس)، زينب ناجى (المغرب)، مو زين (لبنان).
وأوبريت اتجمعوا من كلمات روما الدسوقى، وألحان الفنان رامى رفعت، وتوزيع ياسر صلاح وأحمد إسماعيل، وجيتار روكيت، وميكس وماستر محمد طعيمة.
ويمكن لمحبي نادي الزمالك مشاهدة أوبريت اتجمعوا من هنا:
كلمات أوبريت اتجمعوا لنادي الزمالك
(اتجمعوا .. اتجمعوا .. ورا الزمالك إحنا أسود بنشجعوا)
رامى رفعت (مصر)
قصة كفاح كبيرة بدأت من سنين
1911 ميلاده
هندسة فن متعة إحنا معروفين
كبر نادينا على وحدة ولاده
هاد (السعودية)
فكرة وجات لمرزباخ وده التحدي
كان مختلط لجنسيات على أرض حرة
شعلة حماس ونورت هنا جوه بلدي
لما اتحد ولاده جابو رئيسه مصري
(اتجمعوا .. اتجمعوا .. ورا الزمالك إحنا أسود بنشجعوا)
أمين فارسى (السعودية)
بدأ النضال بدأ الكفاح مع نادينا
سطر تاريخ كبير عريض كتاب الحكاية
واهل القنال في الهجرة اختاروا نادينا
وساندنا بعض في كل محنة هذه البداية
آمنة الكعبى (تونس)
بطولات كتير إتحققت بحماس ولادك
وأى وقعة فى أى عهد كانت بداية
نرجع نلم شملنا ورا الزمالك
وحدة نادينا غايه لينا ملهاش نهاية
(اتجمعوا .. اتجمعوا .. ورا الزمالك إحنا أسود بنشجعوا)
زينب ناجى (المغرب)
نَصَف التاريخ كل من خدم نادينا
وحملنا إسميته بالدهب داخل قلوبنا
عمر التاريخ ما ينسي اللى ضحى لكيانا
ميكفناش شكر ليهم قد ما قولنا
مو زين (لبنان)
ياللى حلمت تشوف ناديك بأعلى مكان
ادعم ناديك بأزمته ما تتخلى عنه
إحنا كيان كبير وراه جمهور همام
من عشقنا بنادينا صرنا قطعة منه
(اتجمعوا .. اتجمعوا .. ورا الزمالك إحنا أسود بنشجعوا)
