أحمد عيد لـ مرتضى: “انت عامل قناة الزمالك عشان تسب وتشتم فيها”

أبدى أحمد عيد عبد الملك لاعب الزمالك السابق غضبه مما يحدث في قناة النادي، وأكد على موقع “إنستجرام” عدم رضاه من استغلال القناة للرد على أعداء رئيس النادي.

وكان مرتضى منصور قد أجرى مداخلة عبر قناة الزمالك في وقت مبكر من اليوم الاثنين، في مداخلة استمرت لأكثر من 60 دقيقة متواصلة، هاجم فيها أطرافًا متعددة.

وقال أحمد عيد في تدوينته: “كل يوم حكاية ورواية ومبتتعلمش أصلًا وعامل قناة النادي ترد على أعدائك اللي هما ملهمش حصر وكل يوم واحد جديد.. فرقتك ماشية كويس والدنيا مستقرة وتخبط عند المنافس ومش لاقيين مخرج.. يروحوا رامينلك طعم تقعد عليه شهر تتكلم في قناة المفروض بتدافع عن النادي مش عاملها بتدافع عن نفسك وتسب وتشتم فيها، وبتدخل النادي في دوامة ويا ريت بتتعلم”.

وتساءل لاعب الزمالك السابق قائلاً: “هو ازاي الضيف اللي بييجي كل يوم بيرضى يقعد يسمع المكالمة بس، وبيتكلم دقيقتين ويقوم يروح؟!”.

واختتم: “ربنا يرحمنا ونستريح، واللي موافقك وبيطبلك بكرة أما تقع هيستخبى ويطبل لغيرك ومحدش بينسى”.